ഉത്തര്‍പ്രദേശില്‍ കാറിനെ കൂറ്റന്‍ കണ്ടെയ്നര്‍ ട്രക്ക് തള്ളിക്കൊണ്ടു പോകുന്ന ദൃശ്യങ്ങള്‍ സോഷ്യല്‍ മീഡിയയില്‍ വൈറല്‍. മീററ്റിലാണ് സംഭവം.
ഏകദേശം മൂന്നു കിലോമീറ്റര്‍ ദൂരമാണ് ഇത്തരത്തില്‍ ട്രക്ക് കാറിനെ തള്ളിക്കൊണ്ടു പോയത്.
തക്കസമയത്ത് കാറില്‍ ഉണ്ടായിരുന്ന നാലുപേരും പുറത്തേയ്ക്ക് ചാടി രക്ഷപ്പെട്ടത് കൊണ്ട് വന്‍ദുരന്തം ഒഴിവായി.
22 വീലുള്ള കണ്ടെയ്നര്‍ ട്രക്ക് ഓടിക്കുമ്പോള്‍ ഡ്രൈവര്‍ മദ്യപിച്ചിരുന്നതായും കസ്റ്റഡിയിലെടുത്തതായും പോലീസ് പറയുന്നു.
ട്രക്ക് ഡ്രൈവറെ നോക്കി വാഹനം നിര്‍ത്താന്‍ ആവശ്യപ്പെട്ട് വഴിയാത്രക്കാര്‍ ഒച്ചവെച്ചെങ്കിലും പ്രയോജനം ഉണ്ടായില്ല.
ഒടുവില്‍ പോലീസ് പിന്തുടര്‍ന്ന് ട്രക്ക് നിര്‍ത്തിയ്ക്കുകയായിരുന്നു. ട്രക്ക് ഡ്രൈവര്‍ മദ്യപിച്ചിരുന്നതായും കസ്റ്റഡിയിലെടുത്തതായും പോലീസ് പറയുന്നു.
